რატომ იწვევს სიბრძნის კბილი პრობლემებს?

ადამიანის ყბის ანატომია დროთა მანძილზე სულ უფრო  მცირდება, ამიტომ ახალ თაობებს ხშირად აღარ აქვთ საკმარისი ადგილი სიბრძნის კბილების სრულად ამოსასვლელად.
ამის გამო, კბილი შეიძლება ამოიჭრას არასწორი კუთხით ან ნაწილობრივ, რაც იწვევს სხვადასხვა გართულებას:

• ღრძილის ანთება (პერიკორონიტი) – როცა კბილი ნაწილობრივ ამოჭრილია, ნაწილობრივ კი ღრძილი ფარავს, სადაც გროვდება ბაქტერიები;

• მეზობელი კბილის დაზიანება – არასწორად მდგომი სიბრძნის კბილი აწვება მომდევნო კბილს და აზიანებს მის ფესვს;

• ტკივილი და შეშუპება ყბის არეში;

• კარიესი- სიბრძნის კბილი რთულად იწმინდება, ამიტომ ბაქტერიები მარტივად მრავლდებიან;

• ყბის დეფორმაცია ან ორთოდონტიული პრობლემები – როცა სიბრძნის კბილი აწვება სხვა კბილებს და ცვლის მათ მდგომარეობას.

როდის არის აუცილებელი ამოღება?

სიბრძნის კბილის ამოღება აუცილებელია შემდეგ შემთხვევებში:

• კბილი ამოიჭრა არასწორად ან ჰორიზონტალურად;

• ღრძილი მუდმივად შეშუპებულია ან მტკივნეულია;

• რენტგენზე ჩანს, რომ კბილი ზეწოლას ახდენს მეზობელ კბილზე;

• გაჩნდა ცისტა ან სხვა პათოლოგიური ცვლილება;

• კბილი იწვევს უსიამოვნო სუნს.

ზოგჯერ, როცა ადგილი საკმარისია და სიბრძნის კბილი სწორად ამოიჭრა, მისი ამოღება საჭირო არ არის, მაგრამ ამის შესახებ გადაწყვეტილებას მხოლოდ სტომატოლოგი ან ქირურგი იღებს რენტგენული გამოკვლევის საფუძველზე.

რატომ ჯობს პრობლემის თავიდან აცილება?

სიბრძნის კბილის ექსტრაქცია მარტივი და სწრაფი პროცედურაა, თუ დროულად მოხდება ჩარევა, იქამდე სანამ კბილი გამოიწვევს ანთებას ან ძვლის დაზიანებას.
დაგვიანებულ ჩარევას კი შეიძლება დასჭირდეს რთული ქირურგიული ჩარევა და გრძელი რეაბილიტაციის პერიოდი.

სწორედ ამიტომ, ექიმები რეკომენდაციას გასცემენ, რომ 18-25 წლის ასაკში აუცილებელია პროფილაქტიკური შემოწმების გავლა, რათა დროულად განისაზღვროს სიბრძნის კბილების მდგომარეობა.

როგორ მიმდინარეობს ექსტრაქცია და რეაბილიტაცია?

თანამედროვე სტომატოლოგიაში სიბრძნის კბილის ექსტრაქცია ტარდება ადგილობრივი ანესთეზიის პირობებში, ტკივილი ფაქტობრივად არ იგრძნობა.
პროცედურის შემდეგ საჭიროა:

• ყინულის კომპრესები პირველ 24 საათში

• რბილი საკვები და სითხეები

• ექიმის დანიშნულების დაცვა (ანტიბიოტიკი/სავლები საჭიროებისამებრ)

რამდენიმე დღეში შეშუპება და დისკომფორტი მთლიანად ქრება.

დასკვნა

სიბრძნის კბილი ხშირად მეტ პრობლემას ქმნის, ვიდრე სარგებელს.
მისი დროული შემოწმება და საჭიროების შემთხვევაში ამოღება დაგიცავთ ტკივილისგან, ინფექციებისგან და ზედმეტი ქირურგიული ჩარევისგან.

Dental Medicus გირჩევთ:
არ დაელოდო ტკივილს, ჩაიტარე ვიზიოგრაფიული და პროფილაქტიკური დიაგნოსტიკა და დარწმუნდი, რომ შენი სიბრძნის კბილები სწორად არიან ამოჭრილი.
ჯანმრთელი ღიმილი იწყება ინფორმირებული გადაწყვეტილებით